Saturday, 15 January 2011

7

معلش ياما دوَشتك ... عارف ملكيش في السياسة ... بس أعمل ايه؟

  • Saturday, 15 January 2011
  • Fouad GM
  • Share
  • قليل جدا من فيديوهات الشباب المصري المطالب بالاصلاح و الديمقراطية تعجبني ... بس ده كان رائع ... جمع أهم ثلاث عقبات امام الحركة الاصلاحية في مصر وواجههم


    أولَا - يجابه الفيديو مشكلة كل مصري مدرك ان البلد من سيء الى أسوأ و يتخاذل و يتمادى في الخمول السياسي بدعوى القلق على الأهل و الولد و الحبيب و لقمة العيش ... أيوة ... كلنا عندنا أهل و عيال ... و أم و تربية أجيال ... بس كمان السكوت مش هيسبلهم لا علام و لا وظيفة بعد العلام ... و لا أكل و لا شرب و لا عيشة كريمة الا و هيسرقها ابن الحرام

    و زي مبيقولوا اليومين دول ... اذا لم تثوروا اليوم فلا ثورة غدا ... واذا جلستم في منازلكم اليوم فلا منازل لكم غدا ... وإن ارتضيتم الموت أحياء ... فأنتم الغد موتي بلا كفن

    يعني ياما كل منقبَل بالقليل هيحرمونا منه و يصبح أقل ... و اذا قبلنا الموت عجزة و متخاذلين مش بعيد يمنعوا عنا حتى الموت

    ثانيَا - الفيديو كان رائع في أنه مزج بين التظلمات العمالية و المطلبية و الفئوية المشروعة و خلفياتها السياسية من خصخصة بلا رقيب و اموال بلا عديد و فساد بلا قيود

    ثالثَا - كل ده مهوَاش مكلب معيشي بس ... مهو أصل محمد البوعزيزي في سيدي بوسعيد اللي ولَع في نفسه و خالد سعيد في الأسكندرية اللي فقد اعز ما يملك ... مهو أصلهم مماتوش عشان لقمة العيش ... ماتوا عشان حرمانهم من لقمة العيش كان جزء من حرمانهم من الكرامة و عزة النفس و الحرية ... الشهيد البوعزيزي موَلعش في نفسه يأسَا من البطالة و انما اعتراضَا على المذلة ... المخبرين مقتلوش خالد سعيد و لا السيد بلال و لا غيرهم من شهداء السجون و اقسام الشرطة في مصر لأنهم مجرمين ... لأ ... قتلوهم عشان قالوا لا للمذلة و المهانة

    المشكلة عويصة ... بس تونس اثبتت لنا حاجة مهمة ... الجبابرة اللي قاعدين متسلطنين ... و على العروس مستكنيصين ... و وراء جيوش الأمن و المخابرات محتميين ... ما أهونهم ... مسمعتوش زين الهاربين بن علي و هو بيقول لشعبه العظيم "فهمتكم"؟ ايوه الله ... ما أهونهم ... ديَتهم شعب أبَي ... ديتهم ثورة حرة ... دينتهم ان الفقير يرفض فقره و قهره و ظلمه ... و ان الـ"ميسور الحال" يعرف انه مهان و مستباح و رخيص ... ايوه ... حتى ان كنت ابن بابي و مامي ... حتى ان كنت سايق عربية و ابن سلطح بابا ... أخرتك معاهم ضابط يشاكسك و التاني ينفخك و التالت يقتلك ... و اما تطلع ابن بارم ديله ... يعتذروا و يقولوا صاحب سوابق ... يا حرام ... مات بالع كيفه

    7 Responses to “معلش ياما دوَشتك ... عارف ملكيش في السياسة ... بس أعمل ايه؟”

    entsorgung wien said...
    29 September 2012 at 01:17

    مدونة ممتازة جداً :)

    entsorgung wien
    entsorgung wien


    entrümpelung wien said...
    10 October 2012 at 02:09

    شكرا لكم .. دائما موفقين ..::))


    entrümpelung
    entrümpelung
    entrümpelung wien


    Bookmarks said...
    17 December 2012 at 01:45

    تسلم ايديك على الموضوع المتميز جداا
    delogierung-delogierung
    Wohnungsräumung
    zwangsräumung-zwangsräumung


    Wohnungsräumung wien said...
    16 April 2013 at 05:07

    تسلم ايديك على الموضوع الممتاز
    Wohnungsräumung
    Wohnungsräumung
    Wohnungsräumung wien
    Wohnungsräumung wien
    Wohnungsräumung wein


    Umzug said...
    6 June 2013 at 06:16

    بسم الله الرحمن الرحيم .. لا اله الا الله
    Umzug - Umzug wien


    Wohnungsräumung said...
    23 July 2013 at 04:15

    شكرا على الموضوع المتميز
    Dank Thema Wohnungsräumung


    عبده العمراوى said...
    26 August 2017 at 06:01

    شركة تسليك مجارى بالاحساء


    Post a Comment